શ્રી અખિલ ભારતીય કચ્છ કડવા પાટીદાર સમાજ

યુવાસંઘ મિશન ૨૦૨૦ને સંપર્ક “સેતુ” થી જોડી સમાજની પરિકલ્પનાને અતિભવ્ય બનાવીએ. સમાજના કોઈપણ કાર્ય માટે પોતાના વ્યવસાયને સાબુત રાખી અથવા નિવૃત્તિ બાદ સમાજ પ્રવૃત્તિમાં માનદ્ રીતે જોડાઈ સમાજ કાર્ય માટે શ્રમદાન વડે સમાજ રચના અને માળખાંને મજબૂત કરીએ.

સ્થાનિક પ્રજા સાથેનો તાદાત્મ્ય તથા સુમેળ સાધી સ્થાનિક ઋણ અદા કરીએ. આપણી મૂળભૂત પરંપરા, ભાષા-ભૂષા-ભોજન ભુલાય નહીં. ખૂબ જ ઝડપથી આયામો સિદ્ધ કરવા જ રહ્યા. ઔદ્યોગિક આધુનિકતા, કોમ્પ્યુટર જીવન, આર્થિક નવા માપદંડોને ખૂબજ તાત્કાલિક રાહે અપનાવીએ. દરેક ક્ષેત્રે સાતત્ય જાળવી ચારિત્ર્ય અને મૂલ્યો વડે આપણી સંસ્કારિતા વિસરાય નહિ તેનું જતન કરીએ.

વ્યવસાય હોય કે સામાજિક પરિવેશ હોય કે પછી રાજકીય પ્રતિષ્ઠાન ઊભું કરવા અતિ ઊંચા આદર્શ સાથે આંતરિક નિષ્ઠા અને મુત્સદ્દીગીરીનો સરવાળો અચૂક કરીએ તેમાં હૃદયથી ખૂંપી જઈ નવા આયામો સિદ્ધ કરીએ.